2009年7月23日星期四

卸責鐵三角

(又再續上文)
屌佢老味!只不過買部一匹窗口機,又不是什麼高新科技,更是用上最貴,自稱25年銷量冠軍之日立小涼伴,竟老作檢查報告,事後話房門沒有關上而檢查不準確,根本係玩嘢!


所謂檢查,不過是度度房間大小及温度,度出房間温度27.5度,問「咁你想點呀?」,答「退貨」,填上數字,收工!前後只用了十五分鐘,但我要花時間在家中等一天,一個月已花了8次上門時間!


致電豐擇客戶服務部,一時又話是分店自行安排,一時又話未收到日立的檢查報告,分店又話要致電到客服部處理,日立又話已交了報告到豐擇營業部;現在雙方更離普得將事情推致消委會!竟然完全不作出任何安排,現等候消委會處理!消委會根本無可能為事件作出商業決定,唯一是作出公開叱責或加入黑名單,但個別一單個案又肯定不可能。如要開箱驗貨,証實該批RA-10HF(HK)貨物質數有問題,難度極高,因為不夠凍,可以老作千百個理由卸責,何況阿公阿婆容易欺騙,又或屋內有兩三部冷氣機,客人未必知部機唔夠凍。


如果到街市,買一斤菜實則得十両,今日不投訴,下次俾「九両菜」給你!對於銀碼細的事件,一般都會算鬼數,以後不再幫襯,但今次三千有多,兼且是耐用品(起碼保養五年),沒理由硬食一件貨不對辦。


消委會接到最多的投訴(不計算迷債),通常都是手機產品、手機/寬頻網絡質數問題。如果並非重複出現及可以量度數據的話,案件難以處理。今次的冷氣機事件可用温度計量度,沒有理由新機開盡都是26-28度。歷史上只有漏電或過熱危險,才會全面回收產品,對於個別一件小案,竟然一聽到消委會介入就嚇到腳軟,有冇搞錯?


題外話,以前舊公司因趕住出貨,明知部份手機開機時會出現藍畫面死機,ODM廠方短時間內亦無法解決問題,照樣出貨收錢先,做法就是即時一部換一部。由於當時銷量不錯,首三天service centre退回壞貨多達破紀錄二百多件!然後退回廠,直接損失由ODM廠付責,不過自己也付上品牌形象。

4 則留言:

篤篤篤撐 說...

同豐澤鬥 ? 冇機會羸KA...

李小龍 說...

豐澤將個波交俾日立,日立修改報告,話上次測試唔算數,再做過,唔肯退貨。項!你估我好得閒,日日等佢老味上門?

篤篤篤撐 說...

你下次買一手長實股票, 然後在股東大會上大聲嗌出來, 一定有人follow !!

李小龍 說...

哈,實俾人趕走!

豐澤百佳Watson等小生意,李超人根本唔會理,賺得小小咁多,跟賣樓無得比。