屢敗屢戰

寫完一個 iPhone app,還沒有做什麼marketing(基本上己經玩完!),又即時投入做另一個 app,今年做四個 app似乎不能達標了。

今次做的,是將 facebook friends的頭像或我預設網站內的卡通相片,加到手機 contact address book(即聯絡人)的頭像;當朋友致電時,就會有來電姓名及他的頭像。

至於收費或是免費,仍未考慮到。基本 technical stuff例如 login 到 facebook取得所有朋友 profile picture,已經完成,但未必能趕及聖誕節前(Dec 20)交給 Apple批核。

手上已經構思了幾個 iphone app或 game的 projects,有大有細,但一直欠 marketing skill,這樣做下去,有點像盲頭烏蠅。

*****

昨為曼聯擁躉,見到球隊敗於一隊名不經傳兼第一次打歐聯的隊伍,今屆歐聯提早出局,簡直失望到極點。人生如足球比賽,有高低起落,希望跌倒後盡快爬起來再追吧。

銀行奪命金

今日又收到老渣銀行cold call,問你要否用信用卡每月餘款,借十幾萬現金應急。講到已經批核,好似送錢俾你唔洗還。都未講到到利息及手續費,我已經收佢線。對方十足十奪命金入面嘅何韻詩,每日要交數。不過,我張信用卡得一萬元簽脹額,戶口長期得二萬元,咁都可以預支十幾萬？銀行及某幾間財務公司真係錢太多,唔怕你走佬,最驚係無生意做,向上頭交數,唔好揾我。


上次寫港股紀念日,才一個月前,當時止蝕了5-6成,之後再大手止蝕,9成現金1成股票。十月頭,股市己見底反彈,急急腳買貨,賺返些少,預期全年仍會蝕錢,只係好過一般基金表現,蝕得少d。


講返電影奪命金,頭十五分鐘真係好悶,好似睇紀錄片。等到劉青雲出場,先至似返套電影。首先出場係何韻詩、車婉婉及蘇杏旋。不知是否太久無做戲,蘇杏旋演得生硬,知道蝕大錢時又無激動表現或者大叫回水,導演咁都收貨?返而是車婉婉雖是小配角,演出似翻個銀行高層,表現不俗。盧海鵬及何韻詩亦演得不錯,不過何韻詩是主角但一齊角式背景欠奉,不夠深刻。如果我係導演,應該加多一場戲,講何韻詩十點幾返到屋企,得佢一個人,在廚房見到一大堆未洗的碗碟,然後拿出一隻平底鑊,用鑊去煮公仔麵加隻蛋,然後睇住美股又跌,流出一滴眼淚。


中間任賢齊出場,沒有什麼發揮機會,只帶出2單案件的窮人生活。胡杏兒演技亦是一般,不過奪命金係講貪心及無知,海報應該用胡杏兒而不是任賢齊。最後係姜皓文及劉青雲出場,演出最精彩,一個大叫跌多d,一個附附淥淥買咗升,大叫升多d,真係一流。唯一出錯的,是期指收4:15pm,並非收四點,劇本錯了。結果係金融海嘯好快過去,附附淥淥袋了錢,好似無事發生。或者導演又可以加一場戲,講三個主角在馬場睇馬,算是馬照跑,舞照跳,股樓繼續升。


以下是奪命金MV - 水漫金山。為甚麼不簡簡單單的叫做極度貪婪,或者叫無盡貪婪呢?

港股紀念日

是日創了今年或52週新低,恆指報18824,值得紀念一下輸錢的感覺。

除電訊股及公用股外,大部份股票創今年新低。根據上月生果日報所寫,五百多個本地對冲基金,只有8個不用蝕錢;財經報紙及雜誌那些模擬百萬倉買賣,早已收起。只有財經演員及窩輪牛熊推銷員,才會叫人繼續買貨。去年賺20%,今年至今天己輸16%,部份蟹貨死不肯止蝕,跌至幾倍PE,但仍有可能再跌。

最近兩單新聞,有投資者炒輸炒到自殺,有更多人被call 孖展,一次輸過百萬。

我也剛開了期權戶口,很小心操作,確保不會企在無限風險那一邊。期權難學難精,並非只有買或沽,而是講求策略及風險計算,怪不得市場不算活躍。

*****

仍在寫一個iPhone app,類型是消息發佈加討論,又要有server side database去支援討論區,己做了2個月,預計超時了。預期這個免費app,一年下載50000以上,有廣告但沒有計算過收入,希望收回成本吧。

另外,Facebook要求所有third party apps/games,均需要在10月前在網站安裝SSL certification,而這張certificate是要付錢買的。下月開始,一些電腦系學生功課apps或垃圾apps,將會消失;而我這些third party developer,為了保留小小創作,即使全部人都破口大罵,還是乖乖地買了張certificate,真是放免費apps給其他人也要付錢。

IT 人買書

書展結束,哥斯拉只買了2本書,8折。IT 人買的書,離不開電腦或財經類別。以上的一本是本地科網創業故事,由於市場甚少同類書種或相關資訊,看一看目錄就買下。

暫只睇完兩個創業故事-高登Forum及Openrice.睇完後,解答了我的疑問,香港的中文網站根本無得做!收入極少而工作量不輕,無論兼職或全職做,要捱2-3年才有一點點收入,恐怕大部份人未見營利,就已關門大吉。

有趣的是,高登前CEO(即創辦人)稱那些洗版或胡吹亂up的高登仔為低分低能仔,叫人少上網及打機睇波,大鬧年輕港人多半不上進。

至於Openrice,原來未開業已集資80萬元,半年己燒光!

至於Baby-kingdom,同樣也捱了很多年才達到收支平行。香港科網市場實在太細,難怪創業率之低,是亞洲數一數二的。

短期課程

IT人除了報讀一些相關的IT課程外,偶然也報讀一些其他課程。去年尾已想報讀股票期權課程,工聯會(春季班)六月才開班的期權初班,一早已滿;今天第一天報夏季班,竟然即日爆滿!反映1.工聯會近千個課程x不同時段,仍極受港人歡迎;2.較冷門的股票期權投資,只要收費平(6小時$300),一樣有市場。


講起投資,大市又再跌破去年收市位23035。手上的貨,暫賺最多的是868信義玻璃(39.8%),其次已是1882海天國際(21.1%),沒有在高位沽出1157中聯重科,則是見財化水。手上有些業績好但股價跌的股票,拖累今年的投資回報為剛剛平手。


正如胡孟青所說,財經分析員及專業大戶,都有其股票分析系統,去查看當天出現突破/異動的股票,幫助决定。我自已編寫的系統,為去年投資回報賺22%。但大部份股票訊號,準確度亦只有5成多至6成多。整體市況不佳,升完又跌,跌完又升的牛皮市,更加需要耐力及眼光。今年投資戶口的賺蝕,高低相差已超過十萬元。


再講番短期課程,近日iPhone流行,相關iPhone程式編寫課程也是相當爆,但收費及水準卻極之參差。曾去過某iPhone編寫課程的免費講座,該「教育機構」在坊間找來2個24-25歲的年輕人作課程導師,上台做demo時,竟然錯漏百出,完全欠缺經驗之餘,另一人更加話「好緊張,唔知講乜好」。2位宅男導師只有2年iPhone製作經驗,水準成疑之外,根本不是做導師的材料,但收費卻是坊間最貴的近萬元(不計IVE)。


不知寫何,這類商業「教育機構」近來不停自行頒發Certificate甚至Diploma及Higher Diploma。我完全不明白,他們到底有什麼資格頒發Diploma?到底有誰去批準及核實他們的水平?


iPhone apps/games是否真的這麼容易賺錢?我也用了2個半月寫了一個iPhone game,sumbit到App Store後,賣$0.99US但沒有做宣傳或廣告,答案是,大部份日子為零銷售,如同石沉大海!

我想殺人

今天不是愚人節,真事一則。


哥斯拉住的大廈是舊區舊樓,附近賓館及娛樂場所林立,仍有很多賣老翻及新興樓上另類「足沐
店」。近幾個月,黑社會睇中樓下賓館,改成雞竇,有大量嫖客自出自入,仲有黑社會在樓下睇場。


據估計,該集團在附近最少有5-6個雞竇,由一班黑社會睇場輪流睇水及帶客。雖無色情招牌,無企街妓女,但每天奇門如市,日日賺大錢。


本大廈有看更,有鐵閘,有法團,但無人理會或無能為力。晚上關鐵閘後,黑社會睇場在門外拿着鎖匙開門。每次出入,大家四目交投:我知你係黑社會,你知我係樓上住。近日黑社會更加坐在看更位,看更唯有企出門口或唔見咗人,屌啦星。


有冇報警?當然有。偶然拉一次,2天後又可照常營業,無法無天,比核幅射更難殺絕。


有咩人叫雞?乜x人都有。除五金三行廚房佬外,仲有穿整齊西裝骨骨拿着公事包的;也有釣魚後不想太早回家,拿釣魚竿去叫雞;也有剛夠十六歲左右的宅男,將塊面貼住電梯門怕人在後面認出。


有幾多人出入?好很多。賓館最少有5間房,大門對正電梯門,見過3個嫖客坐在走廊等侯。每次坐電梯,有8成機會碰到嫖客或黑社會睇場。


法團及其他住客點睇?當睇唔到就無事發生,有看更根本無x用。


點解唔搬?有錢先可以搬!最近仲要夾錢做公衆維修,每戶十萬(層樓係阿媽幾十年前買落),未計自己單位維修,但市區樓呎價只$2000,唔升仲要轉差,屌啦星。


每次見到睇場,仲係想將他們支解溶屍,見一個殺佢老味一個。

市民不應對政府有期望

工作忙好耐冇吹水,本來想在財政預算案前吹吹水,寫「年青人不應對政府有期望」,結果改寫為全城市民。


有大把盈餘,唔派錢唔係問題,但預算案保守得太過份,中長期結構性問題,完全無政策針對。例如代交電費及公屋租金及額外綜援,經濟好就派多d,但完全冇針對貧富懸殊或向上流動難的問題。


最奇怪係發行通脹掛鈎債券!窮人買唔起,中產亦唔多需要。何不直接買人仔做零存整庫?向市民集資,付4.5%利息,背後投資什麽?如果金管局班fund佬蝕錢,政府還要包底貼錢付利息。


另一奇怪係有通脹就不退稅。我可以同意有盈餘不派錢,但跟通脹有什麼關係?唔通市民收了幾千元,會不合理地搶高糧食及衣服價格,或者交通費因而上升?請經濟學人士教教我們。


媒體實在係一面倒批評,預算案似係去年加前年抄妙貼貼而來,藥石亂投,毫無解決問題的能力。


即使換走現任班子,下屆唐唐/梁公子上場,我不相信他們有改革的能力。即使普選也解決不了,香港政治人才太少,所以市民不應對政府有期望。

2010投資回報

22.2%回報率,不過不失。一直想抽時間改動揀股系統中的程式,去增加準確度,卻因為太懶,遲了幾個月還未動工。喜歡投資股票原因很簡單 - 打工仔退休後收入就完了(不要期望mpf),只洗錢而不賺錢,隨時有一日會花光;投資股票就是希望不付出勞力而獲得回報。


今年目標為:
1. 發大達
2. 減士啤呔,變六o舊腹肌!
3. 增加桃花運!!
以上可能係男人都有差唔多的新年願望,祝願望成真。