2009年7月13日星期一

憤怒的顧客(二)

(再續上文)

豐澤換完機後,試了兩天,情況依舊,正想打去再插鑊佢,日立突然在沒有預約的早上,打來又話即日換機。頂,換機定退錢?換咗先算。


又試機。冷氣機開盡個多小時後,我除晒衫,坐在六呎前的電腦前面,望住個温度計。27度,屌佢老味!一直吹住個背脊,不凍又不熱,只是未熱到出汗。這算是冷氣機嗎?


三個星期換上三部欄鬼日立冷氣機RA-10HF(HK),全部吹出涼風,保持27度室內温度。根本浪費電力,倒不如開風扇!


記起以前份工,每當手機有新型號推出兼流行後,三個月左右就有可能推出downgrade版。無搞錯,受歡迎的產品出downgrade版,而不是upgrade版;內部稱為cutcost版。即是找其他廠用相同但平價的零件,換過個外殼及keypad,有時需要轉少少畫面,減少少功能,甚至減細ROM size,抽走少少中文字,最重要係換過個model number,平d賣。何解?公司高層認為多幾款兄弟型號,不同價錢,可針對不同客戶需要,擴大市佔率,研發及生產成本又可減低。結果係點?沒有改善產品質數,用戶個個媽聲四起,聲言下次買其他牌子,市佔率不升反降,幾年後漸被其他對手一一追過。CEO人頭落地,職員turnover亦大。


有新產品到貨,高層偶然亦會向我們一班旦散,問問價錢、款式及對手的比較。最後高層做的決策,其實對與錯接近一半一半,就像問問財經演員對恆指的預測,睇中的只有一半。


講翻部死人冷氣機,不知是否換了平價的次貨零件,導至成批貨漏雪種或衡温制壞。其他人有類似情況,應齊齊打去問候佢老味!

4 則留言:

Betty 說...

日立D冷气会差到甘, 都几出奇...话晒日本牌子.

篤篤篤撐 說...

即係check到乜原因未 ?

匿名 說...

淨係知到日立小涼伴好出名成日缺貨!
家下點?退貨換錢?呢排重咁熱冇冷氣都幾慘!

mm

哥斯拉 說...

小瓶子 - 市埸競爭激烈,質數反而下降

篤撐 - 第一次話漏雪種(?!),成批次貨一齊漏雪種?

匿名 - 大把貨,可能是電器店老點。打去豐澤要求退錢,又要等日立上門check機,頂!

我全屋只得這部一匹冷氣機裝在房內,日夜最低都係27度!