2011年4月4日星期一

我想殺人

今天不是愚人節,真事一則。


哥斯拉住的大廈是舊區舊樓,附近賓館及娛樂場所林立,仍有很多賣老翻及新興樓上另類「足沐
店」。近幾個月,黑社會睇中樓下賓館,改成雞竇,有大量嫖客自出自入,仲有黑社會在樓下睇場。


據估計,該集團在附近最少有5-6個雞竇,由一班黑社會睇場輪流睇水及帶客。雖無色情招牌,無企街妓女,但每天奇門如市,日日賺大錢。


本大廈有看更,有鐵閘,有法團,但無人理會或無能為力。晚上關鐵閘後,黑社會睇場在門外拿着鎖匙開門。每次出入,大家四目交投:我知你係黑社會,你知我係樓上住。近日黑社會更加坐在看更位,看更唯有企出門口或唔見咗人,屌啦星。


有冇報警?當然有。偶然拉一次,2天後又可照常營業,無法無天,比核幅射更難殺絕。


有咩人叫雞?乜x人都有。除五金三行廚房佬外,仲有穿整齊西裝骨骨拿着公事包的;也有釣魚後不想太早回家,拿釣魚竿去叫雞;也有剛夠十六歲左右的宅男,將塊面貼住電梯門怕人在後面認出。


有幾多人出入?好很多。賓館最少有5間房,大門對正電梯門,見過3個嫖客坐在走廊等侯。每次坐電梯,有8成機會碰到嫖客或黑社會睇場。


法團及其他住客點睇?當睇唔到就無事發生,有看更根本無x用。


點解唔搬?有錢先可以搬!最近仲要夾錢做公衆維修,每戶十萬(層樓係阿媽幾十年前買落),未計自己單位維修,但市區樓呎價只$2000,唔升仲要轉差,屌啦星。


每次見到睇場,仲係想將他們支解溶屍,見一個殺佢老味一個。

5 則留言:

hkeric 說...

Can't your report to the police every day?

laulong 說...

噢,真係好陰功!

哥斯拉 說...

eric:試過夜晚去差館,得2個差人,但好鬼忙。佢地話區內邊度賣老翻,邊度賣白粉,邊度係雞竇,一清二楚,但無辦法日日企係到拉人。

叫過佢地封咗個雞竇,睇嚟唔肯。拉完又放,放完繼續營業,然後又拉過,黑社會根本唔怕差人。

haode2010 說...

1.靠執法人員檢控, 如果他們不著力就找區議員帮手
2.靠附近同類的黑帮爭佢生意踢走佢
3.靠天災

http://myhenrychan.mysinablog.com/index.php?op=GuestBook
"任何處所為顧客提供異性全身按摩服務,便須申領按摩院牌照。任何人如無牌經營按摩院,即屬犯罪,首次定罪,可被判處罰款
$50000及監禁6個月。

一個處所如被發現用作賣淫場所,而涉案人士亦遭裁定罪名成立,執法人員於四至十六個月內在同一處地點再度發現類似罪行,法庭便可頒令封閉處所6個月。"

哥斯拉 說...

haode2010: 區議員是最無能為力的,因他們根本無實權,即係得把口。靠黑吃黑更加係多餘。
- 足沐店好似無需領牌
- 法庭事事講證據,排期又超耐,如果要放蛇,再加幾個月。一般掃黃,掃完無證據又放人,所以話黑社會根本唔怕差人。