2010年9月2日星期四

遇見股神東尼

前兩天在街上見到東尼Tony,他寫的投資書已再版十幾版,可能比曹仁超及曾淵滄的書賣得更多。原來他因中風,出入要坐輪椅,由他老婆推着。他中風後被抄,初時靠寫稿賺錢,後來投資賺了一大筆,夠退休用。我有一點好奇,他的輪椅是舊式手推,而不是電動,當他老婆講電話時,東尼就得停下來。


東尼的策略是buy and hold,尤其是5號仔等大藍籌。這個可不是my cup of tea,例如$140的匯豐及新地,$230的港交所,相信未來三幾年也未必見到,散戶坐挺,資金有限而又被鎖死,心裏並不好受。


今時今日的港股,上落愈來愈快,如果,上車落車的時間把握得好,半年升50%例子很多。去年的例子有汽車股(175,203,489)、手機/家電股(2369,921,1169)等,今年股市相當牛皮,成交又少,升得較多的有金飾鐘錶股(116,398,417,590),零售內需及成衣股(483,891,999,130,1833,1234,1173,3998),曾經熱抄的藥業股(2005,8058)等。以上的號碼,大部份都是我的「馬後砲」,小部份持有的,不是太遲上車就是太早落車,以至今年回報得個吉。


雖然早前為自己寫了一個股票系統程式,但一直只寫了買入的部份,還未寫提醒自己賣出的部份,唯有靠自己睇住。


講咗咁耐,得出一個經驗,就是在股市要賺easy money,又不想時時時刻刻花時間睇住d股票上上落落,應該用6叔相反策略:揀市不揀股。當大市升,甚至雞犬皆升,就是最易賺錢的時侯,但記住要識跳車,否則見財化水。

4 則留言:

篤篤篤撐 說...

升50%果d, 我地又唔會瞓身, 係 所以miss左都唔可惜ka

哥斯拉 說...

miss左我覺得可惜ka!!雖然唔會瞓身,但如果組合內多幾隻升50%果d,回報多好多!

如果吓吓長線持有,一個金鎘風暴走唔切除時輸凸,睇吓强積金十年回報,得個吉。

Ebenezer 說...

記得去年5號仔大跌時,唔記得清楚佢有冇出嚟say sorry。

哥斯拉 說...

印象中,東尼及曹仁超,6叔,石sir等,全都支持5號仔,供股率達9成幾。供股的股東就蝕少d,唔供仲衰。