2010年10月6日星期三

小心股市創新高

又係講股佬吹水時間。


今日股市指數及成交創今年新高,本應是好事,不過是日高開低收,而且近月大中小股都急升過快,加上AIA快要上市集資千憶,連同早前的IPO及配股等,市場的水已抽得七七八八。


除非有大量資金流入,否則基金佬可能要沽貨去認購AIA,大市難以大升。至於基金佬沽乜貨,當然是那些賺到笑兼PE過高的貨。中小股隨時單日跌7-8%,三幾天就唔見雙位數字,由大賺變得個桔。


正當以為自己今年賺了十多個就好叻,原來很多人大量炒賣iPhone4,輕輕鬆鬆就賺了好多個,近乎低風險兼無需任何智識,只需要訂兩部轉身放兩部,真要好好學習,生意無分好壞,最緊要有錢袋。

3 則留言:

laulong 說...

啱呀,有網友嘅朋友就係炒賣 iphone 賺到開巷,哩啲就係頭腦!

篤篤篤撐 說...

我都減持左少少, 不過不宜看得太淡

哥斯拉 說...

laulong- 以前我以為80後或者兼職炒賣的人,才會炒賣手機。今次,連專業人仕都炒賣,全民皆炒,我落後了。

篤撐- 我估今個月先回一回,十一月至十二月才大幅炒上。畢竟,基金佬要拿客人的錢出年尾花紅,就要大力炒上。