2010年5月25日星期二

歐洲金融海嘯

西班牙一銀行出事,港股跌個四腳朝天,好彩近日冇入貨,否則一買即跌。技術派會話,跌破二百五十天平均線,再穿今年低位19550,相當不妙。陸東話,低位可能見萬八,即跌多一千點。二三線當抄股一個月跌了三成,三四線當抄股抄到爆煲後,十年內也不會返到家鄉!昨日升少少,今日二三線股跌10%,富士康亦跌一成。


四至五年前,朋友因工關係,一星期2天到富士康睇貨辦。當年由十萬員工增至十二萬,再增至十五萬,人多到不得了,現在竟有四十萬員工,接近半個港島區人口。當年朋友話,員工三更制,其實工作相當簡單甚至單調,例如將部手機由1.x米擲落地,睇佢幾時壞同壞D乜,然後在表格寫幾隻字,員工都笑笑口照做,因乜事工廠出現先後十一人跳樓?

4 則留言:

篤篤篤撐 說...

富士康應該要搵陳振聰睇睇~~~

李小龍 說...

我睇陳生都自身難保,一 Q清袋.

Ebenezer 說...

富士康先排都好似叫人睇過個lor播,仲做埋法事添,咪一樣冇用!

李小龍 說...

又法事,又請大批心理醫生,以一間私人公司來說,都算盡力了。