2010年5月3日星期一

四月計數


上幾回提到,自已用電腦程式編寫的「懶人揀股系統」,終於為自已寫的系統計數。初步得出結果,經系統選取十隻股票,五升五跌,十二天自動結算離場回報為+25.87%,同期恆指回報為+4.54%。如果不自動結算並特有至今(四月三十日),回報為+24.42%。


揀股五升五跌,not good enough;當中出現兩大升兩大跌,是系統設計,偏好選一些中短線容易大升大跌及易於出現趨勢的股票,即是公用股、無趨勢隨意升跌、成交太少、新股及無厘頭股均不會在揀股名單內。25.87%正回報連我也感意外,大大跑贏同期恆指,但年頭至今天結算,實則回報跌至9.48%,是因為其他股票大跌,証明了止蝕很重要。


看看近幾個月的財經雜誌廣告,愈來愈多自稱乜乜投資專家,各自推出乜乜七七投資系統,聲稱學員上課後幾個月賺幾百萬甚至賺千萬!這些專家是什麼碩士博士,有九十幾年投資經驗。由於吹水無需是證監會持牌人仕,只要寫上乜乜七七投資學會、研究班、課程主持人,無需領牌及申報,不用被監管或核實。上完股票又有期指期權,然後仲有外幣樓市金市,可能遲d仲有賽馬及足球,要乜有乜。簡單一句,長期有用的投資系統,根本不會公開!可能部份對冲基金亦有自已的一套趨勢投資系統,但九成九是自行研發,揾食工具,怎會開班授徒?幾千元一個笨實課程,好揾過教中五會考那些明星導師。


**********

仍然在Facebook 上寫 Google Map (flex),比預期中易,用戶只要在地圖上點一點就可以加入相片及留言,成為一個小社區。台灣早幾年亦已推出地圖日記,但似乎商業化一般而已,一半是食店簡單介紹,不及香港的openrice,另一些是妹自拍照片,吸引宅男,如何吸金,仍在思考中。Facebook f8大會後(類似Apple 的 Macworld),平台將會改到七彩。其中一個較多人討論的:若你用一個browser登入Facebook,再開另一個browser window去其他網站,有可能網站會search到你的朋友在該網站的comments,甚至有你的名字和相片等基本資料,等我有時間都要試試先。


由於香港的IT類blogger一向瀏覽量偏低,打算將太過technical的blog搬走。香港的Blogger似有下滑的情況,hit了幾年,有可能會突然冷却。

6 則留言:

Derek 說...

真係班友仔自己吹到咁神奇,大把大行招手啦,駛鬼開班咩

篤篤篤撐 說...

呢班友真係知道點賺大錢----就係開班收學費 !!
我地都應該試下...

哥斯拉 說...

Derek - 如果去年連升十個月時,買盡期指期權Call options,或有大錢賺。但現時牛皮市,反過來蝕千萬比賺千萬容易得多。

篤篤篤撐 - 旺市時大把人報讀,胡亂買都可賺錢;市道差時,亦有大把人想博一博,甚至賣樓賣的士牌用盡裁員譴散費師奶買餸錢...幾千元一個課程,一年賺幾百萬,比得上明星會考阿Sir.

篤篤篤撐 說...

open u 既investment course算唔算 ?我都有讀ar, 貪有8成持續進修基金refund, 實際付出幾舊水 !!

哥斯拉 說...

open u無論課程及導師應該有監管,就算輸錢條氣都順D。讀完未?質數如何?

Derek 說...

我讀科大msc,教option教得幾好喎,雖然條友d英文真係不知所謂。