2010年1月13日星期三

客戶服務員教訓客戶




不談高鐵或八十後的敏感問題,2010新年的最新科技新聞之一,是Google出的手機Nexus One。嚴格來說,是Google找台灣HTC代工生產,自行在網上售賣,不算什麽大突破。手機OS是最新Android 2.1版本,比早期的版本只加了少量功能,難以說是iphone killer,但可能kill了早前的合作伙伴,包括Mo記Samsung及各電訊商。


到底Android有幾利害?買了Samsung i7500H(Android 1.5 ver)一星期,就已入廠修理,留夜四晚!在本地及英法的討論區,可找到完全一樣的問題 - 手機接通後,個screen被鎖上,因而無法打去check voice mail或電話銀行等輸入按鍵。取機後,問題仍然偶有發生,約一半機會,但可以用上下左右OK鍵輸入數字,略麻煩,算了。


由於手機先進,而我亦離開手機界近四年,多種新功能在說明書完全沒有提及,是我out了。我是個超少用量的用家,亦非時下的潮人,用的是三仔台的2G卡,固意不加GPRS等功能,免被亂收費(小心GPRS收費大大高於3G)。由於太多小問題,唯有打去問問hotline。原來手機的Google Map只支援WiFi及AGPS(用發射站就可知道你的位置),內置GPS硬件天線(所以機價要貴d),卻原來需要另外付款買Android版香港地圖(不肯定有沒有),冇3G,得物無所用,吹脹!


終於因為其他小問題,再次上維修部問。第一個接待職員,對新手機的操作亦不太熟,多次出錯,也要請教其他同事,不過這是正常行為,因每年有太多不同產品推出市場,不可能全部都記得。之後他轉介我到另一高人,我想稱他為「七哥」!呢位「七哥」只想打發客人,部份對話如下:


「七哥」: 我地呢部機sell「自主國度」,由用家自己決定。
我心想: 挑,「自主國度」係你地廣告既口號,邊X個知道你「自主國度」係乜X野!

「七哥」多次重覆: 呢部機係俾D熟電腦既人用,如果你唔熟電腦,你會覺得部機好難用...
我心想: 挑,大家以前都係行家(或者係對手),洗唔洗咁吋?如果唔熟電腦就覺得部機好難用,咁不如收起佢唔好賣呀,笨!

「七哥」: 我就用得好開心,因為我寫程式放在頁面,我放滿七頁都無問題...
我心想: 挑!我夠寫Android程式放在入面,九唔答八!


由於我的小問題並非行內的show stopper,must fix或critical,只算是minor,出貨後兩至三個月左右,手機OS就會end of life,即不再更新。算了。


我的小問題包括,插入micro SD card後再拔出,原來的自訂鈴聲沒有了,變回手機出廠那個ding ding聲,但原裝ding ding聲極細聲!要用家每次再set ringtone.


Android OS 1.5原來是不可以同時看到internal storage及external micro SD card,需自行下載File Manager!


到底Samsung PC Studio得唔得?Hotline話known bug,等fix,七哥話無問題,試到無hang機,但我的vista會hang。放棄算了。


順帶一提,部機無missed call alert,用三仔台偶然會響兩聲即飛上voice mail,如果無留言,隨時唔知有人揾過你。似乎同iphone一樣,不可set只用WiFi功能,即是用免費WiFi時,隨時在背後加上GPRS/3G上網,費用自付。相機及video一定要打橫,打直影相放在電腦上就要自己將相片轉向90度,不算是bug,是design。


另外,如果application沒有exit,只按Home式Back鍵,application依然留在background,開得太多application就會不夠ram會hang機,因此要自行下載task killer去kill application。這一點manual沒有提過,亦是大部份用家會忽略的。

3 則留言:

黑人 說...

睇落一d都唔minor,百病叢生

好彩無買!

李小龍 說...

越先進越複雜的手機,就越多問題,尤其現在的product life cycle短,廠商也選擇盡快推出市場收錢先。

篤篤篤撐 說...

其實事竟乜人可以識得(or有需要)用曬手機既所有application 呢 ?