2009年6月26日星期五

$3000 零匹冷氣機!

谷鬼氣!經豐澤買了部Hitachi日立一匹窗口式冷氣機RA10HF,分兩天送貨及安裝,日期可選,但時間沒有得選。兩個年輕人上門安裝,見到舊機同size,本來建議不用拆舊鋁架,後來話鋁架舊了,建議換新鋁架,支架如要用爆炸螺絲釘上石屎外牆,另收$150,OK我俾。被迫換15Amp插座,$90,照俾。換完收錢未試機即趕往下一場,拆舊機時十分多生銹沙塵掉落床上理鬼你,自行清理了一個鐘。


試機開了兩個鐘,不凍。晚上再試了兩個鐘,仍然不凍。銅喉只有少部份起白色就出水,用手摸上去根本不凍。打去日立維修部真係一肚氣,排期要等十天,師父會在當天早上九時call你,時間沒有得選!打去豐澤要求有壞包換,一個口窒窒的年輕聲音回應,要先等原廠師父報告,代我試打去日立。半小時後,該口窒窒的年輕人話,對方線路繁忙,可能收了工,要第二天才再次聯絡。頂!


我以前份工,公司賣影印機,師父數百人,保證今日上午call,下午到;下午call,第二個工作天上午到。今時今日咁鬼樣的服務,認真死得。等十日,不如等夏季繁忙時間過咗,得閒才上門?


江湖傳聞,豐澤向廠家壓價出貨,電腦家電等耐用品,有小量可能是廠商維修或退貨之產品,再次入箱。二千年在豐澤買部一匹聲寶(Sharp),開3/10度Low cool都好夠凍,直至去年生銹兼不凍,今年才換機。選了一匹機中最貴的日立,九折包標準安裝仍要三千元,所謂銷量冠軍,随時可能是投訴數字冠軍。或者我時運低,抽中一部壞鬼冷氣機,大家要三思而後買!

3 則留言:

篤篤篤撐 說...

你仲幫襯李嘉誠 ?
豐澤分體冷氣成日唔凍, 壹仔投訴版報過好多次了...

哥斯拉 說...

今年的豐澤牌是美的廠,出名平,機身細,但散熱差兼流口水。

老實講,肥佬黎集團一向針對李嘉誠。買電器產品有時都要講運。若非有頭絛日報的一百元豐澤coupon,今次本來是幫襯國美。

匿名 說...

Oh my god!
好彩我裝Panasonic. So far so good.