IT 人買書

書展結束,哥斯拉只買了2本書,8折。IT 人買的書,離不開電腦或財經類別。以上的一本是本地科網創業故事,由於市場甚少同類書種或相關資訊,看一看目錄就買下。

暫只睇完兩個創業故事-高登Forum及Openrice.睇完後,解答了我的疑問,香港的中文網站根本無得做!收入極少而工作量不輕,無論兼職或全職做,要捱2-3年才有一點點收入,恐怕大部份人未見營利,就已關門大吉。

有趣的是,高登前CEO(即創辦人)稱那些洗版或胡吹亂up的高登仔為低分低能仔,叫人少上網及打機睇波,大鬧年輕港人多半不上進。

至於Openrice,原來未開業已集資80萬元,半年己燒光!

至於Baby-kingdom,同樣也捱了很多年才達到收支平行。香港科網市場實在太細,難怪創業率之低,是亞洲數一數二的。

短期課程

IT人除了報讀一些相關的IT課程外,偶然也報讀一些其他課程。去年尾已想報讀股票期權課程,工聯會(春季班)六月才開班的期權初班,一早已滿;今天第一天報夏季班,竟然即日爆滿!反映1.工聯會近千個課程x不同時段,仍極受港人歡迎;2.較冷門的股票期權投資,只要收費平(6小時$300),一樣有市場。


講起投資,大市又再跌破去年收市位23035。手上的貨,暫賺最多的是868信義玻璃(39.8%),其次已是1882海天國際(21.1%),沒有在高位沽出1157中聯重科,則是見財化水。手上有些業績好但股價跌的股票,拖累今年的投資回報為剛剛平手。


正如胡孟青所說,財經分析員及專業大戶,都有其股票分析系統,去查看當天出現突破/異動的股票,幫助决定。我自已編寫的系統,為去年投資回報賺22%。但大部份股票訊號,準確度亦只有5成多至6成多。整體市況不佳,升完又跌,跌完又升的牛皮市,更加需要耐力及眼光。今年投資戶口的賺蝕,高低相差已超過十萬元。


再講番短期課程,近日iPhone流行,相關iPhone程式編寫課程也是相當爆,但收費及水準卻極之參差。曾去過某iPhone編寫課程的免費講座,該「教育機構」在坊間找來2個24-25歲的年輕人作課程導師,上台做demo時,竟然錯漏百出,完全欠缺經驗之餘,另一人更加話「好緊張,唔知講乜好」。2位宅男導師只有2年iPhone製作經驗,水準成疑之外,根本不是做導師的材料,但收費卻是坊間最貴的近萬元(不計IVE)。


不知寫何,這類商業「教育機構」近來不停自行頒發Certificate甚至Diploma及Higher Diploma。我完全不明白,他們到底有什麼資格頒發Diploma?到底有誰去批準及核實他們的水平?


iPhone apps/games是否真的這麼容易賺錢?我也用了2個半月寫了一個iPhone game,sumbit到App Store後,賣$0.99US但沒有做宣傳或廣告,答案是,大部份日子為零銷售,如同石沉大海!

我想殺人

今天不是愚人節,真事一則。


哥斯拉住的大廈是舊區舊樓,附近賓館及娛樂場所林立,仍有很多賣老翻及新興樓上另類「足沐
店」。近幾個月,黑社會睇中樓下賓館,改成雞竇,有大量嫖客自出自入,仲有黑社會在樓下睇場。


據估計,該集團在附近最少有5-6個雞竇,由一班黑社會睇場輪流睇水及帶客。雖無色情招牌,無企街妓女,但每天奇門如市,日日賺大錢。


本大廈有看更,有鐵閘,有法團,但無人理會或無能為力。晚上關鐵閘後,黑社會睇場在門外拿着鎖匙開門。每次出入,大家四目交投:我知你係黑社會,你知我係樓上住。近日黑社會更加坐在看更位,看更唯有企出門口或唔見咗人,屌啦星。


有冇報警?當然有。偶然拉一次,2天後又可照常營業,無法無天,比核幅射更難殺絕。


有咩人叫雞?乜x人都有。除五金三行廚房佬外,仲有穿整齊西裝骨骨拿着公事包的;也有釣魚後不想太早回家,拿釣魚竿去叫雞;也有剛夠十六歲左右的宅男,將塊面貼住電梯門怕人在後面認出。


有幾多人出入?好很多。賓館最少有5間房,大門對正電梯門,見過3個嫖客坐在走廊等侯。每次坐電梯,有8成機會碰到嫖客或黑社會睇場。


法團及其他住客點睇?當睇唔到就無事發生,有看更根本無x用。


點解唔搬?有錢先可以搬!最近仲要夾錢做公衆維修,每戶十萬(層樓係阿媽幾十年前買落),未計自己單位維修,但市區樓呎價只$2000,唔升仲要轉差,屌啦星。


每次見到睇場,仲係想將他們支解溶屍,見一個殺佢老味一個。

市民不應對政府有期望

工作忙好耐冇吹水,本來想在財政預算案前吹吹水,寫「年青人不應對政府有期望」,結果改寫為全城市民。


有大把盈餘,唔派錢唔係問題,但預算案保守得太過份,中長期結構性問題,完全無政策針對。例如代交電費及公屋租金及額外綜援,經濟好就派多d,但完全冇針對貧富懸殊或向上流動難的問題。


最奇怪係發行通脹掛鈎債券!窮人買唔起,中產亦唔多需要。何不直接買人仔做零存整庫?向市民集資,付4.5%利息,背後投資什麽?如果金管局班fund佬蝕錢,政府還要包底貼錢付利息。


另一奇怪係有通脹就不退稅。我可以同意有盈餘不派錢,但跟通脹有什麼關係?唔通市民收了幾千元,會不合理地搶高糧食及衣服價格,或者交通費因而上升?請經濟學人士教教我們。


媒體實在係一面倒批評,預算案似係去年加前年抄妙貼貼而來,藥石亂投,毫無解決問題的能力。


即使換走現任班子,下屆唐唐/梁公子上場,我不相信他們有改革的能力。即使普選也解決不了,香港政治人才太少,所以市民不應對政府有期望。

2010投資回報

22.2%回報率,不過不失。一直想抽時間改動揀股系統中的程式,去增加準確度,卻因為太懶,遲了幾個月還未動工。喜歡投資股票原因很簡單 - 打工仔退休後收入就完了(不要期望mpf),只洗錢而不賺錢,隨時有一日會花光;投資股票就是希望不付出勞力而獲得回報。


今年目標為:
1. 發大達
2. 減士啤呔,變六o舊腹肌!
3. 增加桃花運!!
以上可能係男人都有差唔多的新年願望,祝願望成真。

製造 iPhone 遊戲

平日出街搭地鐵,成個車廂有大半人用iPhone;有日迫巴士又老尖到太子,竟有5-6人有iPhone4;去到food court,又係過半數人用iPhone,實在太過份了,我一直嫌貴唔買(早知買來炒賣)。


為了試吓開發iPhone game程式,寫了個適用於touch screen的簡單遊戲,內容是用最少步驟及最少時間尋寶,適合打發時間用。做了幾天寫好程式,但做圖像動畫實在要花多幾倍時間,仍不滿意(寫程式人多數不是做graphics的人)。


做iPhone application或game相當難,因此改用flash去做game.要在實體測試,唯有買部最平的iPod Touch 8Gb.由於沒有也不想jailbreak部機,又要刻意買部最平的Mac mini,兼付錢HK$770去加入iPhone developer program.花了九牛二虎之力,終於成功將遊戲放進iPod測試,結果圖像太小不易click,還要加入一些趣味去升呢,起碼做多三個星期沒上。


如果sumbit到Apple App Store賣US$0.99,可以真真實實的看到sales report,看看是否如外間所講的火熱,並考慮在這裏公佈no. of sales.不過,根據製作Angry bird遊戲的公司所講,他們做了50(超多!)個iPhone apps/games,只有Angry bird大賣,其餘只是一般而己.而Angry bird用了長達8個月時間去做,因為他們事前並不睇好該遊戲,因而拉長了製作時間。

大家樂早已加價

由於居住的地方近大家樂，所以算是常客。常常光顧只是方便，食物質數及價錢還是其次，從來不對大記有高要求。


近日全城聲討大記，大記真係攞嚟衰，唯有取消扣飯鐘錢。其品牌聲譽已受損，尤其陳主席的個人聲譽，日日被人唱，恐怕短時間會變得低調。


媒體計算大家有6000員工加薪$2-$3.5/小時，額外開支是6000人 x 約$3每小時 x 每日10小時 x 每月26日 x 12個月 = $56,160,000. 為了節省支出，3000兼職受影響扣飯鐘錢(實際數字不祥)，以$28時薪計，每年飯鐘錢為$28 x (0.75)小時 x 26日 x 12個月 x 3000人=$19,656,000. 節省二千萬元開支雖然高，但大家樂早已加價。假設約200間分店，每日每餐加$1(部份當然唔止)，每日每分店出售1000份早/午/晚餐，增加收入是$1 x $200店 x 1000份 x 365日 = $73,000,000!!! 加$1顧客根本不會知道，而且大家樂+美心+大快活己佔了大部份中式快餐市場，甚少人因加了$1而減少光顧。看看近日大家樂及大快活股價近三個月不跌反升，投資者真金白銀買其前景，就知道加薪並非災難。


上星期到過大快活，晚餐由$33加至$45，嚇了一跳!


題外話，香港食店一向有不成文規矩：員工一般要在店內進食，時間短而且沒有固定時間，食店包員工膳食(俗稱福食，當然不包括貴價食材)，但並非勞工法例。至於超短時間兼職，例如11:00AM-2:00/12:00PM-3:00PM的兼職及外賣員，一般都沒有福食及飯鐘錢，每週工作五天共15小時亦不需MPF.大記剛聲明不減員工福食，應該不會再向員工支出方面節省了。


大家樂集團多年來有雙位數字純利，是飲食業內極少數，反映經營有高校率，亦是飲食業之龍頭。