市民不應對政府有期望

工作忙好耐冇吹水,本來想在財政預算案前吹吹水,寫「年青人不應對政府有期望」,結果改寫為全城市民。


有大把盈餘,唔派錢唔係問題,但預算案保守得太過份,中長期結構性問題,完全無政策針對。例如代交電費及公屋租金及額外綜援,經濟好就派多d,但完全冇針對貧富懸殊或向上流動難的問題。


最奇怪係發行通脹掛鈎債券!窮人買唔起,中產亦唔多需要。何不直接買人仔做零存整庫?向市民集資,付4.5%利息,背後投資什麽?如果金管局班fund佬蝕錢,政府還要包底貼錢付利息。


另一奇怪係有通脹就不退稅。我可以同意有盈餘不派錢,但跟通脹有什麼關係?唔通市民收了幾千元,會不合理地搶高糧食及衣服價格,或者交通費因而上升?請經濟學人士教教我們。


媒體實在係一面倒批評,預算案似係去年加前年抄妙貼貼而來,藥石亂投,毫無解決問題的能力。


即使換走現任班子,下屆唐唐/梁公子上場,我不相信他們有改革的能力。即使普選也解決不了,香港政治人才太少,所以市民不應對政府有期望。