屢敗屢戰

寫完一個 iPhone app,還沒有做什麼marketing(基本上己經玩完!),又即時投入做另一個 app,今年做四個 app似乎不能達標了。

今次做的,是將 facebook friends的頭像或我預設網站內的卡通相片,加到手機 contact address book(即聯絡人)的頭像;當朋友致電時,就會有來電姓名及他的頭像。

至於收費或是免費,仍未考慮到。基本 technical stuff例如 login 到 facebook取得所有朋友 profile picture,已經完成,但未必能趕及聖誕節前(Dec 20)交給 Apple批核。

手上已經構思了幾個 iphone app或 game的 projects,有大有細,但一直欠 marketing skill,這樣做下去,有點像盲頭烏蠅。

*****

昨為曼聯擁躉,見到球隊敗於一隊名不經傳兼第一次打歐聯的隊伍,今屆歐聯提早出局,簡直失望到極點。人生如足球比賽,有高低起落,希望跌倒後盡快爬起來再追吧。

英超開波,K寶收工

聽聞好多資深英超球迷，兼K寶長期用戶，竟不知道K寶今年將英超轉新台，另外再收費。即是一般合約，另加英超台收費，將球迷的銀包炸乾為止。


受害人仲包括了新城節目主持人香樹輝，他俾幾百元月費支持了K寶十幾年，球迷突然冇波睇，又唔介意再俾多幾十元月費，但開台熱線打唔通，嬲到在節目中叫人cut K寶! 受害者還包括一些有波睇的食市，客人為睇波而光顧，坐定定夠鐘冇波睇，史上最出位的客戶服務。


由於我住的舊樓沒有公共天線，無法成為K寶用戶，早幾年已在網上睇波(Internet 上最偉大的發明)!直播上海體育台/廣東體育台/台灣Star sports等，英超,西甲,歐聯,足總杯,還有世界杯都係靠網上直播。熱刺對二億英磅增兵的曼城，上半場熱刺的確打得精采，曼城領隊文先尼面目無光甚至黑口黑面，不入前四肯定抄魷。車路士大發神威，6比0大勝西布朗，只因西布朗太弱，排人場竟然跳起閃開，罰球直射入網，絕對是降班大熱門。球賽入球多但不精采，像大人對boy scout,打起車路士信心。至於利物浦大戰阿仙奴，因星期日是國內的悼念甘肅泥石流的儀式，停止了所有娛樂活動，包括直播英超及網上video, 是多年來首次網上冇波睇，唯有等球賽完結後下載。意外地，利物浦整場波打得比阿仙奴好，即使打少一人都跟阿仙奴有得打，真係格食格。阿仙奴完場前追和，實在夠運。今晚到曼聯，希望大勝一場，打番場好波俾我呢d die hard fans!

回本

就快半年結，今年股市上上落落，投資成績也是兩升兩跌，最高升約12%，最差的時侯也出現負10%，近日才回本。


基金佬洗倉時，所有股票都大跌，手上那時當抄的家電下鄉股及汽車股等跌幅驚人，以203駿威為例，停牌前賺少少，復牌後兩日急跌29%。技術上應該止蝕，但心裏的魔鬼卻叫我「忍耐」，而急跌的例子還有很多。


大跌市時所有股票都跌，沒有做什麼對冲，因為窩輪牛熊都是庒家揾散戶笨的遊戲，不值得送錢肥了那些ibanker。


早前在某雜誌中，曹仁超話自己在金鎘海潚中損失二千萬。看看他仍然風騷，出席各類投資講座，可見他功力深厚，二千萬對他來說可能只是小菜一碟，故此他退休後甚受歡迎。另一期雜誌介紹日本股神邱永漢，08年及09年給雜誌推介的組合，回報分別高達59%及48%，的確稱得上股神中的股神。

* * * * *

投資是副業，正職寫程式的哥斯拉受到世界杯影響，晚間工作時間大大減少。重新再寫Google Map application 放在Facebook fans page內，原預計兩星期的工作，現在已改期，幸好是work for fun而不是work for commercial。睇好的球隊，包括西班牙、巴西為頂頭大熱，現加多阿根廷及荷蘭，德國為黑馬。英格蘭從來都不是熱門，冠軍肯定沒有機會，但表現如此差，實在另人大跌眼鏡，只比法國好一點點，球星身價與表現實在不乎。

次貨風雲

曼聯以為執到寶，點知原來係草！曾經係我最喜愛的利物浦前鋒，好似食咗幾斤K仔，現在無速度、無走位、無傳球兼無射門觸角，五萬磅週薪在球場上夢遊，死吓死吓，死得。


仲有呢一班次貨，
貝巴托夫 - 又貴又無料，賣得



亞洲之光:南韓星 - 速度慢、無傳中、射門失機兼一推就跌，點係英超揾食？幫手打開南韓市場就得



笨科士打 - 笨手笨腳的守門員，亞洲表演賽送大禮，明顯唔係正選材料



及疑似次貨 - 華倫西亞
普通料，未見特出


唯一有進步的反而是近兩季不受重用的蘭尼，加堐d青年軍，起碼要揾多件高速高射波可傳中的中場。無咗C朗呢條大滾友，成隊波無人識射門。一比零輸俾隊升班馬，近兩場只入一球，唉！

曼聯利物浦阿仙奴都陣容不整，只有車仔最有實力，曼聯今季危危乎。