2010年6月30日星期三

半年結

本來剛回本的股票,在連續三天急跌下,又再出現負數。部份股票兩天已跌一成多,跌幅不少,總計下來,是-3.83%,即係輸錢。內地上証指數創十二個月新低,又話中國經濟好?如果信曹仁超,佢話第三季會大反彈五成之多,信不信由你。

***

最近學吓電腦平面設計,付費上堂學Illustrator中級班。跟平日寫電腦程式沒有直接關係,只是學多一技旁身。原來設計課程女多於男,初級班更是常常滿額。Illustrator不易上手,中級班更需要基本軟件使用知識。上堂阿Sir好吋,係好很吋,對於學生使用上有困難,又話已經教過,只叫學生翻屋企惡補吓,兼且叫學生上初班,免得浪費他的時間。e.g.

阿Sir: 做一隻中文字2吋,放在圖形後面...
學生A: 點樣做一隻中文字2吋?
阿Sir: 你有冇用過Word,識用Word嘅人都知點樣做隻2吋高的字...(我心在想,點先算識用Word?)
學生A: 偶然...
阿Sir: (突然黃毓民上身,對全班大叫)如果唔知點樣做隻2吋高的字,唔好話俾人識用Word,所有識用Word嘅人都知點做......做Illustrator平面設計呢D係基本...

我都想知日日用Word的blogger,是否也知道?答案放在留言內,請各位回答識,或唔識。久而久之,學生都少問問題,可能唔識問,亦可能免得俾阿Sir吋。呢個阿sir係少數異類,上堂始終係最快學到嘅。

***

寫了2個Facebook 程式,just for fun,作為熱身。由0 Fans,得幾個安裝人數,到現在有幾十個來自全球各地的fans,安裝人數過百。相比其他賣廣告或商業推廣的Facebook 程式,尤其是遊戲,絕對是蚊與牛比較。不過,在五十萬個Facebook 程式裏,可能有一半的用戶數字比我的更低。

Facebook 在4月中突然更改整個 platform 的架構,今日6月30日是 deadline,第三者程式未更新的,冇法讀取用戶大部份資料。我的2個程式要讀取相片資料,尤其用flash+actionscript寫,將會完全唔work,要全部重寫,頂!

***

睇世界杯,早已唔睇好英格蘭,守門員及後防差極,輸波係不幸。早前睇好巴西、西班牙,黑馬係荷蘭,之於阿根廷及德國愈戰愈勇,預料阿根廷勝德國及巴西勝荷蘭入四強。

2 則留言:

哥斯拉 說...

72 pt = 1吋,2吋 = 144 pt.
只要highlight隻字,font size打入144或2 in(自動變回144 pt)即可。

如果早已識做,請留言寫上「已識」。

Jay 說...

唉,真係唔識!

仲有,若果西班牙能夠發揮到今場嘅水準,可能會入四強!