2010年4月14日星期三

止賺又止蝕

唔知點解坊間有本書叫「止賺不止蝕」,如果在金融海嘯期間持有衍生工具,就算唔破產都重傷。即使持有正股死守,假設$100股份跌了60%變成$40,股份要升回$100,就要升250%!還未計算漫長等待中的機會成本。以中國移動為例,一年前至今天只升了14.92%。


自己寫的「懶人揀股系統」一路試一路fine-tune,讓更多股票的準確度高於50%。為了要有效計算系統是否有用,急急腳共買了十隻股(現在已缺水了),一止賺兩止蝕:



為了要計數,訂於買入後第12個交易天計數(系統不可能用於抄超短線或太長線),由於部份未夠12天,暫用今天收市價計算。假設十隻股用齊頭十萬元買入,比較相同時間買入HSI指數,得出結果:

系統升4.729%
HSI升2.70%
(兩者均未計手續費)

賺最多的819提早止賺,10天賺29.97%,之後仍升,實在升得過急。蝕最多的是425(第二次發出訊號才買入),買入即晚公佈折讓配股,第二天開市跌個四腳朝天,6天跌14.29%,止蝕沽出。


系統運作其實跟澳門賭場菏官原理差不多,是要計算賺錢機會率,造成贏多輸少局面,而且要止蝕以防一嘢清袋(賭場每張枱均設有每注陪錢上限,防止陪爆),系統並無預測能力,每次有贏有輸賺少少,長遠就...測試中。


去年開始,財經雜誌常有廣告,乜乜專家推出財經系統,學員上課後大賺千萬!我不會否定這些廣告。去年低位連升十個月,最低位夠膽買入又夠運最高位計數離場,總有人在。不過連升十個月的市況,幾十年才出現兩次(另一次是SARS後),其餘時間牛皮甚至下跌,是否仍可大賺?學員未賺導師一定先穩賺。真正有用的趨勢系統,根本不會公開在坊間流傳!


用系統之前,亦買了一些股票,尤如過山車:175吉利汽車,去年$1.9-$2.3買入,$3-$3.5沽出,眼光光見佢升到$4.8,餘下少少貨仍賺錢。最神奇的是2369中國無線,一年大升683%,不過我只在中間買過,$1.38買入$2.4x沽出,$2.36又買入$3.2及$3.9全部沽出。另一隻係林少陽在年頭推介的羅欣藥業,$6.41買入,今年再大升10.63%$8.43,一個多月升31.5%。其他有賺有蝕,今年至今天投資升12.05%。我也睇貼士買股,但會睇清楚係財經分析員唔係財經推銷員。


放下系統程式等時間,繼續做Facebook program,正在試將Flash版Google Maps放入Facebook app內,應該幾特別。

5 則留言:

Betty 說...

光是想出这个系统, 已经好劲.

哥斯拉 說...

我估好多對沖基金都有自已一套系統,尤其係買期貨,我的一套只用來買股票。

水之子 說...

你好, 又係我,請問你用那一款program去activate MYsql? 我揾到啲script了,謝謝.不過重學緊點樣apply.

哥斯拉 說...

MySQL 只係一個database,下載後安裝即可,係免費,我從未聽過要"Activate"。

如果唔識,應用最易用工具,例如MS的Visual Studio Express,免費,內有Visual Basic,database用Access學吓先,advance user才轉用MS SQL Server。唔想俾錢學VB,可到公共圖書館借書,網上亦有大量video及document自學;俾得起錢,可到工聯會上堂學。

水之子 說...

謝謝你的意見,對我的stupid question都肯回覆,再然表示感謝。誠如所料,我真係唔係咁識SQL,始終IT係好專業的學問.剛開始以為係prgramming language (因為叫Structured Query Language),所以開始重以為好似vba,要用excel activate,但又發覺佢好似識自己complie和run,係一個stand alone 的 database program,所以自己問乜都好似未攪清楚,請諒. 其他Database program讀書時倒用過,但唔知MS Access係咪做到同樣結果,睇嚟唔似加入import CSV data 的add-on就ok.亦有人見議我用xampp(我覺得好似同visial studio express差唔多!),我估大家的意思係用VB set 好parameter,cell,format之類吧(即係唔係Excel有哂cell,只係入吓data或arrange data入去邊個cell就得)?再次謝謝你的意見.