2009年10月28日星期三

交學費

除了股票市場要交學費外,現實中偶然也會報讀一些短期課程。做IT人一日未死,市場都有新產品推出,update自己已無法避免。


早前自學Google Android程式,完成後才發覺是「有前途,冇錢途」,暫時停寫了。近來走去工聯會報讀舊的Illustrator電腦繪圖設計,這個半冷門科目,竟然40人全爆。然後又無啦啦走去
學舊的Flash電腦動畫設計,每個課程都只是幾百元,質數OK但時間太短,始終上堂跟阿蛇照做一次,學得快過睇書及睇video。即使再簡單不過的練習,廿十人舉起四十隻手,阿蛇飛跑過去逐個答,值回幾百元。


剛報了一個六千大元的Dreamweaver+Flash課程,要伸請政府的持續進修基金,自己只付兩成,否則不報了。打算用Flash+Actionscript,寫個小程式在Facebook上試試,有機會或者寫個多人互動Facebook Flash game,如果未來可如入Facebook Credit在遊戲裏收錢,或者可揾到多少洗費。要在Facebook上寫遊戲,除了Flash+Actionscript+PHP+MySQL外,當然要學Facebook API+Facebook Markup Language+FQL等,坊間資源不算多,但國內抄得比香港還快!


國內流行的「開心農場」,由國內的5 Minutes公司做,剛被騰訊以五百萬人仔買起,預計一年收入才三百萬,跟原裝正版的FarmVille,真係相差幾十條街。不過設計都省去,幾個人短時間就推出中文版開心農場,賺得一桶金,相信Zynga這間第一大Facebook遊戲製作公司也不會介意,因為國內是封鎖了美國Facebook,而外國公司也無法打入內地市場。


另有一單國內遊戲公司新聞:第一視頻(82)用了一億六千多萬人仔收構了一間從沒有賺過錢的手機遊戲商70%股權。內地除了老翻多,手機遊戲公司前景並不樂觀,用一億多收構一間前景一般也沒有賺過錢的公司,作價明顯極不合理,似乎有d古怪......就好似七萬元一呎的天價樓,就連經紀都在背後偷笑。

2 則留言:

黑人 說...

你想學software,查實最好就係搵國內的「資源共享版」video

有個叫Lynda.com 既網站,入面有好多教學video賣既,由programming 到一般design software都有

你可以試下去verycd.com 或者其他bt網查查看,慳返六七千用來食左佢都好丫

哥斯拉 說...

黑人果然係高手。

個人覺得,國內的「資源共享版」video,質數認真...麻麻;lydia是收費網站,亦沒有保證。

持續進修基金付80%,自己付$1200,OK啦,工聯會都要$50-60/小時。