2009年8月21日星期五

次貨風雲



曼聯以為執到寶,點知原來係草!曾經係我最喜愛的利物浦前鋒,好似食咗幾斤K仔,現在無速度、無走位、無傳球兼無射門觸角,五萬磅週薪在球場上夢遊,死吓死吓,死得。


仲有呢一班次貨,
貝巴托夫 - 又貴又無料,賣得



亞洲之光:南韓星 - 速度慢、無傳中、射門失機兼一推就跌,點係英超揾食?幫手打開南韓市場就得



笨科士打 - 笨手笨腳的守門員,亞洲表演賽送大禮,明顯唔係正選材料



及疑似次貨 - 華倫西亞
普通料,未見特出


唯一有進步的反而是近兩季不受重用的蘭尼,加堐d青年軍,起碼要揾多件高速高射波可傳中的中場。無咗C朗呢條大滾友,成隊波無人識射門。一比零輸俾隊升班馬,近兩場只入一球,唉!

曼聯利物浦阿仙奴都陣容不整,只有車仔最有實力,曼聯今季危危乎。

4 則留言:

篤篤篤撐 說...

一場半場好難講,費sir最懂調較狀態, 一向都係過左xmas自拋甩對手

李小龍 說...

如果唔買人填補射手及中場,就要起用青年軍。奧雲過了高峰期,冇乜可能重返正選。

篤篤篤撐 說...

OWEN就一定係後備殺手,冇得同bebe/roony鬥, 不過最重要仲係中場中, 史高斯同giggs都年紀大,過去兩年輪流出場仲可以勉強應付, 但黎緊一兩年佢地會退步, 仲有邊個後上可以幫手組織 ?

同埋, 維迪及李奧都走下坡, 費sir如何重建 ?

李小龍 說...

維迪及李奧偶有蝦碌,但都頂得住,新仔Evens表現不錯。中場靠蘭尼上位,仲要買多一個進攻中前場球員。