又又股災

上次在5月7日寫「又股災」，已預計當天低位不是短期底部；大吉利是，今日係「又又股災」，跌至19775。


技術分析上，跌穿5月7日19920，極可能再跌，而暫不是趁低吸納(當然我也可能估錯)。下一站可能係2月8日19550，部份當抄的家電、手機及汽車股大跌，抄家要錢唔要貨。小心反彈一至兩天再尋底。


內地單日大跌5%，至2559。早兩星期，某大財經雜誌訪問內地的金牌基金經理，認為2800點是今年底部，結果不足兩星期已輕易跌破。歐豬五國+英國有債務危機，其實東歐各國一樣有債務危機，還未計亞洲區日本等等。至於美國就永遠不會有債務危機，評級永遠不會被下調，欠債就印銀紙解決，果然係世界先進强國一哥。

**** **** ****

上網到圖書館預約兩本iPhone SDK development，共$5，不想花錢買，因為只想睇吓iPhone 程式點寫，而不是認真去做。要寫iPhone program，就要買Mac機，又要買iPhone 試。程式語言用Objective-C，不容易學；去年學寫Google Android程式，雖然易上手，但所花的時間大大超出預期。最好的 iPhone 程式可能賺到錢，但 Android 不但難以賺錢，而且要多個手機版本maintain多個version，失敗。


轉玩Facebook programming，在香港暫不算流行，因為「錢途」不明。早前學寫Flash及Flex/AS3，又學 Illustrator，可用於拑入Facebook program上，尤其係Facebook game。明天到九龍塘科技中心上一堂免費課程，內容係Adobe CS5新產品，估計重點係Photoshop CS5新功能，將相片上任何東西輕易抹走。

做到半天吊

用了三個星期，寫了個Facebook App，將Google Map(Flash版)放在Facebook上，可以在地圖上加個marker，然後留言及加上Facebook/Flickr相片。差不多做完，才發覺好似做完都無主題應用的地方，真係做到半天吊。

本來是做social networking，不過使用人少就會覺得冷冷清清，放棄又覺得有點可惜。做旅遊主題，或餐廳酒吧主題，或物業成交價格主題，手上又沒有這麼多資料，去吸引用戶使用。考慮改做尋寶遊戲，或者改做detective game，可能吸引到少部份另類玩家。美國最大的遊戲開發商Zynga(即是Cafe World,德洲poker,FarmVille...)，成立了兩年多，竟做了年收六億美金的生意，成績不差於Song PS3，Microsoft XBox及任天堂Wii，因其主要成本就是程式員的人工，毛利相當高。

***** ***** *****

上星期六花了幾個小時，在「懶人揀股系統」加插了一個小功能，去check吓某月某日的上升股票。今年恆指最低為19550(二月八日)，二月九日及二月十日有麼股票值得買呢？用了系統計算，以持貨短線十二天計算，有近八成股案票上升，跟本不用考慮太多。當然，總有些是升得較多的，例如1105星島，可說是沒有跌過，不算是插水後大反彈。以版塊類計，藥業股例如874廣州藥業、手機股2369中國無線2618TCL通訊，及家電下鄉股921海信科龍等。不過，我不會在這裏推介任何股票。

寫IT類的blog很悶，很少觀眾，遲D開過新blog，搬走呢度D嘢。

又股災

國內A股跌不停，加上美國佬齊齊造市，短期有反彈冇升幅。今天很多財經分析員預計會反彈，根據相反理論，結果大市真的仍然下跌，尤其基金持重貨的愛股，連續數天以5%下跌，一星期跌20%以上，而且成交增加！

週末試用半天時間，將「懶人揀股系統」加插一個功能，看看過往大跌市後有什麼股票最先跑出。股災中搏反彈難度極高，如非大市連升三天以上及達到5-7%以上，可能是小反彈後再插水，散戶的資金就是這樣的蒸發了。

四月計數

上幾回提到，自已用電腦程式編寫的「懶人揀股系統」，終於為自已寫的系統計數。初步得出結果，經系統選取十隻股票，五升五跌，十二天自動結算離場回報為+25.87%，同期恆指回報為+4.54%。如果不自動結算並特有至今(四月三十日)，回報為+24.42%。


揀股五升五跌，not good enough；當中出現兩大升兩大跌，是系統設計，偏好選一些中短線容易大升大跌及易於出現趨勢的股票，即是公用股、無趨勢隨意升跌、成交太少、新股及無厘頭股均不會在揀股名單內。25.87%正回報連我也感意外，大大跑贏同期恆指，但年頭至今天結算，實則回報跌至9.48%，是因為其他股票大跌，証明了止蝕很重要。


看看近幾個月的財經雜誌廣告，愈來愈多自稱乜乜投資專家，各自推出乜乜七七投資系統，聲稱學員上課後幾個月賺幾百萬甚至賺千萬！這些專家是什麼碩士博士，有九十幾年投資經驗。由於吹水無需是證監會持牌人仕，只要寫上乜乜七七投資學會、研究班、課程主持人，無需領牌及申報，不用被監管或核實。上完股票又有期指期權，然後仲有外幣樓市金市，可能遲d仲有賽馬及足球，要乜有乜。簡單一句，長期有用的投資系統，根本不會公開！可能部份對冲基金亦有自已的一套趨勢投資系統，但九成九是自行研發，揾食工具，怎會開班授徒？幾千元一個笨實課程，好揾過教中五會考那些明星導師。


**********

仍然在Facebook 上寫 Google Map (flex)，比預期中易，用戶只要在地圖上點一點就可以加入相片及留言，成為一個小社區。台灣早幾年亦已推出地圖日記，但似乎商業化一般而已，一半是食店簡單介紹，不及香港的openrice，另一些是妹自拍照片，吸引宅男，如何吸金，仍在思考中。Facebook f8大會後(類似Apple 的 Macworld)，平台將會改到七彩。其中一個較多人討論的：若你用一個browser登入Facebook，再開另一個browser window去其他網站，有可能網站會search到你的朋友在該網站的comments，甚至有你的名字和相片等基本資料，等我有時間都要試試先。


由於香港的IT類blogger一向瀏覽量偏低，打算將太過technical的blog搬走。香港的Blogger似有下滑的情況，hit了幾年，有可能會突然冷却。

Another Facebook App

本來想做Facebook game試吓，不過找不到partner，暫將idea放在一旁。


寫Google Map with Flex 在 Facebook 平台上，比想像中容易，打算將 Facebook 個人用戶的相片，連結到 Google Map 上，即是說，按 Google Map 就可睇相(或video)。如果有二三十個用戶的留言及相片放在Google Map上，算是一個超小型的social apps。


只得三十個用戶在Facebook apps裏算是人氣超低的，但原來，一件產品不花錢賣廣告，又不積極主動做推廣，Word of Mouth是假的！上次我的Facebook App有美國民主黨女檢察官做我的Fans(現在Facebook改版，全變成Like，無奈)，正發白日夢，期望檢察官會帶來其他Fans，甚至帶來Terminator加洲洲長，亞諾舒華辛力加(雖然他不是民主黨)，結果當然是甚麼也沒有。


做了約十天，如果不是時常睇波，Google Map app on Facebook應做好一半了。曼聯出局後，無心機睇波，貝碧托夫的確係一件水貨，早賣早着。

止賺又止蝕

唔知點解坊間有本書叫「止賺不止蝕」，如果在金融海嘯期間持有衍生工具，就算唔破產都重傷。即使持有正股死守，假設$100股份跌了60%變成$40，股份要升回$100，就要升250%!還未計算漫長等待中的機會成本。以中國移動為例，一年前至今天只升了14.92%。


自己寫的「懶人揀股系統」一路試一路fine-tune，讓更多股票的準確度高於50%。為了要有效計算系統是否有用，急急腳共買了十隻股(現在已缺水了)，一止賺兩止蝕：



為了要計數，訂於買入後第12個交易天計數(系統不可能用於抄超短線或太長線)，由於部份未夠12天，暫用今天收市價計算。假設十隻股用齊頭十萬元買入，比較相同時間買入HSI指數，得出結果：

系統升4.729%
HSI升2.70%
(兩者均未計手續費)

賺最多的819提早止賺，10天賺29.97%，之後仍升，實在升得過急。蝕最多的是425(第二次發出訊號才買入)，買入即晚公佈折讓配股，第二天開市跌個四腳朝天，6天跌14.29%，止蝕沽出。


系統運作其實跟澳門賭場菏官原理差不多，是要計算賺錢機會率，造成贏多輸少局面，而且要止蝕以防一嘢清袋(賭場每張枱均設有每注陪錢上限，防止陪爆)，系統並無預測能力，每次有贏有輸賺少少，長遠就...測試中。


去年開始，財經雜誌常有廣告，乜乜專家推出財經系統，學員上課後大賺千萬!我不會否定這些廣告。去年低位連升十個月，最低位夠膽買入又夠運最高位計數離場，總有人在。不過連升十個月的市況，幾十年才出現兩次(另一次是SARS後)，其餘時間牛皮甚至下跌，是否仍可大賺？學員未賺導師一定先穩賺。真正有用的趨勢系統，根本不會公開在坊間流傳!


用系統之前，亦買了一些股票，尤如過山車：175吉利汽車，去年$1.9-$2.3買入，$3-$3.5沽出，眼光光見佢升到$4.8，餘下少少貨仍賺錢。最神奇的是2369中國無線，一年大升683%，不過我只在中間買過，$1.38買入$2.4x沽出，$2.36又買入$3.2及$3.9全部沽出。另一隻係林少陽在年頭推介的羅欣藥業，$6.41買入，今年再大升10.63%$8.43，一個多月升31.5%。其他有賺有蝕，今年至今天投資升12.05%。我也睇貼士買股，但會睇清楚係財經分析員唔係財經推銷員。


放下系統程式等時間，繼續做Facebook program，正在試將Flash版Google Maps放入Facebook app內，應該幾特別。

分析分析員

第一季結束，投資有賺有蝕，但總括來說，已超出預期。如果全年計以第一季x4，都幾和味。


我並非專業分析員，更無特異功能，但財經報紙雜誌睇唔少，對坊間財經寫手，真係有好有壞，請自行分析那些分析員所寫的，不要完全盡信。


部份見報+上電台+上電視台率甚高，每日可在多份報紙推介股票，時間如何分配？短短幾句:1234受惠於國家四萬億救市方案下，預期可以得益，目標價$XX，止蝕價$YY。隔兩天在另一媒體，又寫上「4321受惠於國家四萬億救市方案下，預期可以得益，目標價$XX，止蝕價$YY」，只是換了股份號碼及價位，毫無分析評論，寫得多，點都有D中。


印象最深的，是年初經濟的資深評論員林XX，竟將半新股盈德氣體2168比較幾隻燃氣股(中國燃氣,華潤燃氣等)，認為盈德氣體比其他幾隻燃氣股的PE特別低，推介買入！頂，盈德氣體是賣氧氣、氮氣及氬氣，一般用於地盤基建/化工/製造，用來燒焊及其他工業用途；至於其他燃氣股，賣家用及工業用石油氣/天然氣，根本兩類股亳不相干，當時PE不算便宜(不過現價又升了不少)。對於股評人寫的，要有分析。


每個散戶都有自已喜歡的股評人，甚至財經演員，都有好多fans，但就要小心財經推銷員。財經推銷員在各媒體不但出鏡率甚高，完全沒有分析任何資料，只叫散戶睇好就買入12345，睇淡就買入54321，結果散戶被庄家如任人魚肉，愈買愈輸。


喜歡睇貼士並無問題，如果俾$6，買份經濟都正常，如果$6都唔想俾，可以上網睇生果報，唔睇生果報，仲可以睇幾個出書的博客。有上咗岸的火先生，有(印象中好似係)全職投資者紅猴，又有IT界魔術師，他們都有將投資組合登出來，跟唔跟可自行決定。不過，火先生大力唱好買入第一視頻82，一年前長線買入賺好很多，估計庒家在背後仲有牌抄。我自已對於82用天價1.912億元買入從未賺過錢的手機游戲公司，實在有所保留。手機游戲公司在國內多如天上星星，九死一生，唔通呢間又係未來騰訊？那些所謂分銷數字及活躍付款用戶很多時沒有做audit，信不信由你。反正有其他選擇，不熟不買。

****

懶人揀股系統假期中要微調，太易發出突破訊號，要自行filter；另因為方程式出錯，只有一部份股票才可發出訊號，要做bugfix。光大165有9.5%上升，不過早已超出十二天時間，另外前天賣走的天能動力819，今天比$5.9再升，不過無可能賺盡，算鬼數。反正仲有一隻7天升了10.5%，考慮是否提早賣出。

****

曼聯竟然輸波，灰爆！下幾場無咗重心球員，危險危險。